| تبليغات | X |
کامیل قهرمان اوغلو
آرمود یاشیللیغینا آخیردی گونئی!
آلما آلیشماسینا،
بیر قاریشقانین گؤزونده اوشاغا قالدی او!
بیردوغوزون باخیشیندا،
اؤپوش-اؤپوش مچیدلری یالادی!
وآسلاندی قیفیللاردان.
گؤز یاشیندان پیغمبر آخدی
…و تانری سؤیودلری ساغینا وئردی.
ووه…الله اکبر!
تانری یئددی دیللی یئدی اوشاقلیغیمی.
فیرتینا-فیرتینا شهوت ایدیم باییرلیغیمدا
لحظهلرین قابیغین سویدوم ،
قانلی قابیرقاسیندا مین سکگیز گؤز گؤردوم!
اؤکوز پییلی کلتنکله،
اینام دیللی توراخایلاری اوخودوم ؛
و بایقوش یارالی گلین گؤردوم
گؤیلرین کسیلمیش جایناغیندا.
باتیلار باتوملارین باتیسیندا باتدی
باتمان-باتمان!
و دوغودا دالغین داریخمالاردا دوغولدو
دیدهرگین-دیدهرگین!
و سورگونلشدی سولارین
سونسوزلوغوندا.
صهیون داغینا قاریشدیم
باش بارماغیمدا آلتی مین اؤلونون قبیر یازیسی
کوسا قیزلارین دؤشلرینده ساغیلیردی تورات!
باشیما آخیندی مسیح قهبهلرین یاشیل شهوتی.
دیرناغیمدان هؤرولدوم
ماوی ایللرین قیزارتیسینا.
گؤزومه سوخولدو عرب قانجیغینین شئیطانلیغی.
دیرماندیم ایشیغا
ایکیندی تانری قوناقلیغیندا اوخلادیلار
ساغیمدا کی سولو!
آه…ائندیم کئچمیشیمه؛
گؤز آغریسی!
و کئچمیشیم،
گونلریمین ایندیسینه پایلانان دهلی سوسوزلوق.
دوغرادیلار منی،آغلادیلار!
اؤلومون اوستونه کسدیلر بیر قیز اَمجهیی
آغوزلاندیم قاتی قانلارین قاتیسیندا.
