| تبليغات | X |
توکّل کیانی اصل(کیان خیاو)
اؤنو سونسوز
سونو اؤنسوز بير يئردهيم
آخاريندا
اؤلو بير قودوز پيشيگين ايچ آلاتي
ايگرنج
باخاريندا
ساري سالداتلار چنبري
قورخونج.
آغاجلاري وار آسيلديغيم
بوداقلاري چاتي اعدام موثلثي.
چايلاري وار بوغولدوغوم
دالغالاري دمير تور داييرهسي.
شعیر : زامان پاشازاده
1
یاشاماق یاش آرتماق دئییل
یاشاماق،
یا چیچک دن چیچه یه قانادلاریندا اؤپوش آپارماق،
یا قاناد سیزجا حایات سویوندا قایناییب،
اسمر بیر قادینین پالتاریندا قانادلانماق دیر
یاشاماق یاش آرتماق دئییل
یاشاماق یاشاتماق دیر.
کامیل قهرمان اوغلو
باشلارلا اؤپوشن قیلینجلاردان
گؤیردی بارماقلار.
و بوغازلار
آرخالانمیشدی دار آغاجینا!
اینیلتی کوچهلر
فاتحه سورهسینه بورونموشدو!
و گوزگولردن
توستو کؤهرهسی بیتن زامان،
تانری مین گؤزویدو
بو فاجیعهلره.
شیطان قوشونا کؤلگهلهنن
قیزیل قیرقیلار،
میندار اؤلولرین آلنینا
میندارلیق قیشقیریغی چکیردی هئی...!
